2018-ին երբ Step Slackliner Armenia ակումբը հանդես եկավ SlackLife Fest Armenia անունով, փառատոնի նպատակն է եղել ու կմնա այն, որ մարդկանց մոտեցնել բնությանը, ցույց տալ հնարավոր տարբերակները այն վայելելու ու չվնասելու ինչպես նաև տալ հնարավորություն փորձելու զանզան ակտիվ հանգստի տարբերակներ, որոնք առաջարկվում են փառատոնի շրջանակներում։ Հայաստանը ունի հսկայական պոտենցիալ ակտիվ հանգստով զբաղվելու ու առողջ ապրելակերպով ապրելու, փառատոնի շնորհիվ մասնակիցները միանգամից կարող են տեսնել/փորձել մի քանի սպորտաձևեր և գտնել թե որն է իրենց ավելի հոգեհարազատ ու որն է առավեկ հաճույք պատճառում։

Բացի այս ամենը, տարիների ընթացքում հանրության մեջ արմատացած է մի կարծրատիպ, որ էս բոլոր սպորտաձևերը անապահով են ու բոլորը ով դրանցով է զբաղվում կյանքի հետ է խաղ անում, ինչը թյուր ինֆորմացիա է։ Դրա համար փառատոնի օրերին մենք ամեն բան անում ենք մաքսիմալ ապահով ու անվտանգ, ինչպես նաև բացատրում ենք դրանց կարևորության մասին, նյութերի մասին թե ինչից են պատրաստված գույքերը որ ավելի լավ ու ճիշտ ինֆորմացիա ձեռք բերեն մասնակիցները։